Zolai Simbu

IH TEDIM LAI AA DING IN

Leitung ah minam picing khat aa ih din nading cih pen, MINAM PAU, KAMMAL leh LAI cihte kipcian tak in hong khantoh semsem ding cih pen ih theihtek a hihi.

Ei tawh ki nai thei pen ding in, ASIA gam sung ah enpak leng, minam LAI lian a neih nawn loh uh hang ROMAN ALPHABET zang in, minam lai a tangzai semsem, a khangto sak semsem leh minam leh gam zong a khangto lam a manawh veve te enleng, MALAYSIA, INDONESIA, PHILIPPINE cihte a hihi.

Ei ZOMI te zong amau tawh LAI lam ah ih lampi a kibang hi in, et teh ding te uh a hihi.

Ih ZOLAI pen ZOLAI SIMBU tanlang, tan1, tan2, tan3 leh tan4 ciangbek ih nei aa, Tan 4 mankhin leng sinding a om nawnkei hi. Hih Malay, Indo, Phil te enleng, Roman Alphabet a zat zenzen mah uh a hi hang, a hithei zah in a kicing ding in a hoih thei penpen in gel uh a, tua a mau lai uh sin ding pen, UNIVERSITY ciangdong laibu TEXT BOOK nei uhhi.

Hih Kawl galkap gamuk te khutsung ah lah khantoh ding cihtha dah a maimang thei ding lampi hong nel ta hi. Amau kumpi te bekzong mawhsak theih tuan hilo in, veina ih neih leh ih vaihawm zo pah kei zong in, ngaihsut tekna nei in, kikup theih a om leh ih kikup ding hi.

A hihhuai mahmah in ka lungsim sung aa hong om ci leng:
Kalkhat na : ZOLAI simbu Textbook tuniciang dong ih zat Tanlang pan Tan 4 pen PUAHPHA ( Edit, upgrade) kik in, ZOGAM sang khempeuh leh Kawlgam khanglam a ki sap na tuamtuam ah limtak a kisin thei nading.
Kalnih na : Tua kawmkal mah in, Tan 5 pan a tung siah, Tan 10 ciang peuh mah a kisin suak zawh photphot na ding, a LAIBU textbook ding geel na nei leng.

A vaikhawm ding COMMITEE pen a khuapi a khuapi (Gamsung, Gampua) ah ki seh tek in, Tan lang pan Tan 4 ciang LAISIMBU puahphat kik ding bangpen, Kawlgam sung aa om ten nasem in, laikhet khiat Publish thei lian ding cihteh bang, gamdang aa ten a vaihawm si leh. Hithei leh Quality hoih theithei hanciam leng.

MINAM LAI khat ii thupit na pen theitek luahang. Leitung in khangto lua mahmah globlization hi ta, tua ZOLAI dihdih cihthei omlo hi. Hi ZOLAI Roman Alphabet in ih zat hang in hamphat na tampi ngah khin hi hang. Manglai (English) pen hong mai ngapsak tuam zaw in, Kawl te bang sang zong Mikang aw ngahzaw hihang. Tulai tak aa kizang pipen a hi, Hanphone message, e-mail,fax, chatting tuamtuam cih te ah ei ZOPAU, ZOLAI ngiat in a ki ho thei te hi hang!

Lungdam